அத்திட்டத்தின் படி, தங்களுக்கு 'லேப்டாப்' வழங்கக்கோரி, நேற்று தர்மபுரி கூட்டுறவு மேலாண்மை நிலைய மாணவ, மாணவியர் வகுப்புகளை புறக்கணித்து, காலை, 10:45 மணிக்கு ஊர்வலமாக மொரப்பூர் பஸ் ஸ்டாண்டிண்கு வந்தனர். பின், அங்கு போராட்டத்தில் ஈடுபட்டனர்.

இது குறித்து மாணவர்கள் கூறியதாவது: திருச்சி மற்றும் கரூரில் ஓராண்டு கூட்டுறவு மேலாண்மை பட்டய பயிற்சி வகுப்பு மாணவ, மாணவியருக்கு தமிழக அரசு, 'லேப்டாப்' வழங்கியுள்-ளது. குறிப்பாக, கரூரில், முன்னாள் அமைச்சர் செந்தில்பாலாஜி மாணவ, மாணவியருக்கு 'லேப்டாப் 'களை வழங்கி உள்ளார். தமிழக அரசின் விலையில்லா, 'லேப்டாப்' வழங்கும் திட்-டத்தில், 'லேப்டாப்' வழங்கக்கோரி, கலெக்டர் மற்றும் தர்மபுரி எம்.பி., மணியிடம் ஏற்கனவே கோரிக்கை மனு அளித்-துள்ளோம். ஆனால், இதுவரை எங்களுக்கு 'லேப்டாப் ' வழங்கவில்லை. போட்டி தேர்வுகளுக்கு தயாராவதற்கு 'லேப்டாப்' வழங்கப்பட்டால் மிகவும் பயனுள்ளதாக இருக்கும். அதேபோல், கடந்தாண்டு படித்த மாணவர்களுக்கு கல்வி உத-வித்தொகையாக, 14 ஆயிரம் ரூபாய் வழங்கப்பட்டது. ஆனால், நடப்பாண்டு, இதுவரை யாருக்கும் கல்வி உதவித்தொகை வழங்-கப்படவில்லை. எனவே, எங்களுக்கு 'லேப்டாப் ' மற்றும் கல்வி உதவித் தொகையை தமிழக அரசு வழங்கக்கோரி போராட்-டத்தில் ஈடுபட்டுள்ளோம்.

இவ்வாறு அவர்கள் கூறினர்.

அரூர் டி.எஸ்.பி., சதீஸ்குமார், மாணவர்களிடம் பேச்சுவார்த்தை நடத்தினார். அதில், மாணவர்களின் கோரிக்கை குறித்து கலெக்டர் மற்றும் எம்.பி.,யின் கவனத்திற்கு கொண்டு சென்று நடவடிக்கை எடுக்கப்படும் என்று உறுதியளித்தார். இதையடுத்து, மாலை, 4:00 மணிக்கு மாணவ, மாணவியர் போராட்டத்தை கைவிட்டனர்.