நேற்று முன்தினம் காலை, 10:00 மணிக்கு, சத்யநாராயண சுவாமி பூஜை நடந்தது. இரவு, 8:00 மணிக்கு, பட்டாச்சாரியார்கள் வேத மந்திரங்கள் முழங்க, திருமண சடங்குகளை நடத்தி, வஸ்திரங்கள் படைத்து, மாலை மாற்றி, மலர் துாவி, சீர் வரிசைகளுடன் சீதா, ராமர் திருக்கல்யாண வைபவம் நடந்தது. இதையடுத்து, பால், பழம் கொடுத்தல், தேங்காய் உருட்டுதல் நிகழ்வும் நடந்தது. இதில், 250க்கும் மேற்பட்ட பக்தர்கள் பங்கேற்றனர். இதை தொடர்ந்து நேற்று, ஸ்ரீஹரி வாயுஸ்துதி பாராயணம் நடந்தது.

இன்று ராமர் பட்டாபிஷேகம் நடக்க உள்ளது. நாளை, அன்னமய்யா கீர்த்தனை, இரவு, 8:00 மணிக்கு, சயன உற்சவம், 16ல், வஸந்த உற்சவம், 17ல், ஆஞ்சநேய உற்சவம், 18ல், ராகவேந்திரர் உற்சவம் நடக்க உள்ளன. இதற்கான ஏற்பாடுகளை, ராம ஆஞ்சநேய சேவா ஸமிதி ட்ரஸ்ட் நிர்வாகிகள் செய்துள்ளனர்.