கிருஷ்ணகிரி: கிருஷ்ணகிரி கிழக்கு மாவட்ட, காங்., கட்சி முன்னாள் தலைவரும், மாநில பொதுக்குழு உறுப்பினருமான காவேரிப்பட்டணத்தை சேர்ந்த சுப்பிரமணியனின், இளைய மகள் திருமண வரவேற்பு நிகழ்ச்சி வரும், 12ல் காவேரிப்பட்டணம் கே.ஆர்.வி., மஹாலில் நடக்க உள்ளது. இதில், மணமக்கள் டாக்டர் சோனியா, டாக்டர் சரவணநாதன் ஆகியோரை வாழ்த்த வருகை தருமாறு, தமிழக, காங்., கட்சி தலைவர் செல்வப்பெருந்தகையை சென்னையில் உள்ள அவரது வீட்டில் சந்தித்து, சுப்பிரமணியன் குடும்பத்தினர் அழைப்பிதழ் வழங்கினர். மேலும், முன்னாள் மத்திய அமைச்சர் தங்கபாலு, கடலுார் எம்.பி., விஷ்ணு பிரசாத், மயிலாடுதுறை எம்.பி., சுதா ராமகிருஷ்ணன், முன்னாள் தமிழக, காங்., கட்சி தலைவர் திருநாவுக்கரசரின் மகனும், அறந்தாங்கி எம்.எல்.ஏ.,வுமான ராமசந்திரன் உட்பட பலருக்கு அழைப்பிதழ்களை வழங்கினார்.