முதன்மை மருத்துவ அலுவலர் ஞானமீனாட்சி தலைமை வகித்தார். குழந்தை மருத்துவர் சக்திவேல், மகப்பேறு மருத்துவர் பார்வதி ஆகியோர், குழந்தைகளுக்கு தாய்ப்பால் கொடுப்பதால் கிடைக்கும் நன்மைகள் குறித்து விரிவாக எடுத்துரைத்தனர். விழாவில் பங்கேற்ற, 61 தாய்மார்களுக்கு வினாடி - வினா போட்டிகள் நடத்தப்பட்டு, வெற்றி பெற்றவர்களுக்கு பரிசுகள் வழங்கப்பட்டன. அதேபோல், கல்லுாரி மாணவியருக்கு தாய்ப்பால் நன்மைகள் குறித்த கட்டுரை போட்டிகள் நடத்தப்பட்டு பரிசுகள் வழங்கப்பட்டன.மருத்துவர் சக்திவேல் பேசும்போது, பெண் ஒருவருக்கு, 750 கிராம் எடையில் பிறந்த குழந்தையை காப்பாற்றி, அக்குழந்தை தற்போது, 3 கிலோ எடையுடன் ஆரோக்கியமாக இருப்பதாக கூறி, அக்குழந்தை மற்றும் தாயை, மற்ற தாய்மார்களுக்கு அறிமுகம் செய்து வைத்தார். ஆராதனா அறக்கட்டளை நிறுவனர் ராதா உட்பட பலர் பங்கேற்றனர்.