இதுகுறித்து போலீசார் உயரதிகாரிகளுக்கு தகவல் தெரிவித்தனர்.விசாரணையில் மதுரை பைகாரா பகுதியைச் சேர்ந்த வி.ஏ.ஓ., ஒருவரின் பெயர், முகவரி, அலைபேசிஎண் போன்றவற்றை தவறாக பயன்படுத்தி இருப்பது தெரியவந்தது. மிரட்டல் கடிதங்களை அனுப்பியது மதுரை பழங்காநத்தம் பசும்பொன் நகர், அவ்வையார் தெருவைச் சேர்ந்த குமரேசன் 60, என்பது உறுதியானது.

சில நாட்களாக தலைமறைவாக இருந்த அவரை நேற்று முன்தினம் போலீசார் பிடித்தனர். இவர் ஏற்கனவே மானாமதுரை ரயில்வே போலீசாருக்கும், திண்டுக்கல் ரயில்வே போலீஸ் ஸ்டேஷனுக்கும் வெடிகுண்டு மிரட்டல் கடிதங்கள் அனுப்பி இருப்பதும், பிடிக்காதவர்களை சிக்கலில் சிக்க வைக்கும் நோக்கில் அவர்களின் பெயர்களில் மிரட்டல் கடிதங்களை இதுபோன்ற அலுவலகங்களுக்கு அனுப்புவதை வாடிக்கையாக கொண்டிருப்பதும் தெரியவந்துள்ளது. இதையடுத்து அவர் கைது செய்யப்பட்டு, தேனி சிறையில் அடைக்கப்பட்டார்.