மலை உச்சியில் உருவாகும் இத்தீர்த்தத்தை மலையடிவாரத்திலேயே கிடைக்கும் வகையில், கோவில் வளாகத்திற்கு வெளியே இரண்டும், உள்ளே பிரசாதம் தயார் செய்யும் இடத்திற்கு அருகே இரண்டு குழாய்கள் மூலம் மக்கள் பிடித்துச் செல்லும் வகையில் வசதி ஏற்படுத்தப்பட்டுள்ளது.

இந்நிலையில் கடந்த நான்கு நாட்களாக குழாய்களில் தீர்த்தம் வருவதில்லை. இதனால் பிரசாதம் தயார் செய்யவும், சுவாமிக்கு அபிஷேகம் செய்யவும், கோவில் ஊழியர்கள் 5 கி.மீ., மலை மீது டூ-வீலரில் சென்று தீர்த்தம் பிடித்து வரும் நிலை ஏற்பட்டுள்ளது.

ரோடு பணியால் பாதிப்பு

கோவில் நிர்வாகம் சார்பில் கூறியதாவது:

மலை மீது நுாபுர கங்கையில் பக்தர்கள் நீராடுவதால் தண்ணீரின் வேகம் கீழ் வரை கிடைப்பதில்லை. மலை மீது சாலை அமைக்கும் பணி நடந்து வருகிறது. அதனால் அடிக்கடி குழாய்களில் உடைப்பு ஏற்பட்டு, தீர்த்தம் பற்றாக்குறை ஏற்படுகிறது. அதை உடனுக்குடன் சரி செய்ய நடவடிக்கை எடுக்கப்படுகிறது. இவ்வாறு கூறினர்.