அலங்காநல்லுார் : மதுரை வேளாண் கல்லுாரி மாணவிகள் ஆர்த்திகா, அபிராமி, அபிஷா, அஜ்மியா, அக் ஷயா, அமுதரசி, ஆர்த்தி, ஆஷ்மி ஆகியோர் அலங்காநல்லுார் ஒன்றியத்தில் ஊரக வேளாண் பணி அனுபவ திட்டத்தில் ஈடுபட்டுள்ளனர். அய்யூரில் பந்தல் காய்கறிகளை தாக்கும் பழ ஈ மேம்பாடு குறித்தும், காய்களுக்கு சேதத்தை ஏற்படுத்தும் ஈக்களை கவர்ச்சி பொறி வைத்தும், பீர்க்கங்காயை கவர்ச்சி பயிராக பயிரிட்டும் தடுக்கலாம். ரசாயனத்தை விட இயற்கை முறையில் கட்டுப்படுத்துவதால் சாகுபடி செலவை குறைத்து கட்டுப்பாட்டு திறனையும் அதிகரிக்கலாம் என விவசாயிகளுக்கு விளக்கினர்.