நிரந்தர ஓட்டுநர் உரிமம் பெறும் முன்பு வாகனத்தை கற்றுக்கொள்ள வழங்கப்படும் தற்கால உரிமம் எல்.எல்.ஆர்., ஆகும். இந்த உரிமத்தை பெற்று 30 நாட்களுக்குப் பிறகு நிரந்தர ஓட்டுநர் உரிமத்திற்கு விண்ணப்பிக்கலாம். இந்த உரிமம் 6 மாதங்களுக்கு செல்லுபடியாகும். எல்.எல்.ஆர்., உரிமம் பெற ஆன்லைனில் விண்ணப்பித்து கட்டணம் செலுத்தி ஆன்லைனில் தேர்வு எழுத வேண்டும். தேர்வில் வெற்றி பெற்றால் சான்றிதழ் பதிவிறக்கம் செய்து கொள்ளலாம். தேர்வில் வெற்றி பெற்றுள்ள பலர் எல்.எல்.ஆர்., சான்றிதழ் பதிவிறக்கம் செய்ய முடியாமல் ஒருவாரமாக வட்டார போக்குவரத்து அலுவலர் ஒப்புதலுக்காக காத்திருக்கின்றனர்.