மதுரை இயற்கை பண்பாட்டு பேரவை உறுப்பினர் தமிழ்தாசன் கூறியதாவது: கிருதுமால் நதி கால்வாயின் அழிவுக்கான காரணங்களை சீர்செய்யாமல் அதனை மீட்க முடியாது. இதை மேம்படுத்த கலெக்டர் தலைமையில் நீர்வளத்துறை, மாநகராட்சி, நகர் வளர்ச்சி அலுவலகம், வனத்துறை, சூழலியல் அறிஞர்கள் உள்ளடக்கிய குழு அமைத்து ஆய்வு செய்ய வேண்டும். கிருதுமால் நதியின் நீர்ப்பிடிப்பு கண்மாய்களாக விளங்கிய துவரிமான், மாடக்குளம், தென்கரை, சிந்தாமணி உள்ளிட்ட கண்மாய்கள் துார்வாரி அதன் உபரி நீர் கிருதுமால் நதி கால்வாய்க்கு கிடைக்க வழிவகை செய்ய வேண்டும். துார் வாரிக்கொண்டே இருப்பது தீர்வாகாது என்றார்.