ADDED : ஜூலை 15, 2024 05:52 AM
அ நிறம் | அளவு
பேரையூர் : பேரையூர் தாலுகா ரேஷன் கடைகளில் துவரம் பருப்பு, பாமாயில் போன்றவற்றை சரிவர விநியோகம் செய்யாததால் கடைக்காரர்கள், பொதுமக்கள் இடையே அடிக்கடி தகராறு நடக்கிறது.
இத்தாலுகால் 121 ரேஷன் கடைகள் மூலம் 66 ஆயிரம் கார்டுகளுக்கு அரிசி, சர்க்கரை, பாமாயில், கோதுமை உட்பட பல பொருட்கள் வழங்கப்படுகின்றன. ஆனால் துவரம் பருப்பு, பாமாயில் மட்டும் சரிவர வினியோகிப்பதில்லை.
இத்தாலுகாவுக்கு துவரம் பருப்பு 50 சதவீதம், பாமாயில் 40 சதவீதம், வழங்கப்படுகிறது. இதனால் கடைக்காரர்கள் பாதி ரேஷன் அட்டைதாரர்களுக்கு விநியோகம் செய்து, மீதிபேருக்கு வழங்காமல் விடுகின்றனர். 'ரேஷன் விநியோக பொருட்கள் பெற மாதம் மூன்று அல்லது 4 முறை ரேஷன் கடைகளுக்கு அலைய வேண்டியுள்ளது.
தினமும் ஒவ்வொரு பொருளாக வழங்கப்பட்டு வருவதால் அலைக் கழிக்கப்படுகிறோம் என்றனர்.
