தென்மத்திய ரயில்வேயின் ஹூப்ளி கோட்டத்தில் 1994ல் உதவி லோகோ பைலட்டாக பணியில் சேர்ந்தவர் தாமரைச் செல்வன். இன்றுடன் (மார்ச் 12) 60 வயதை பூர்த்தி செய்யும் இவர், நேற்று பிரதமர் மோடி திருச்சியில் தொடங்கி வைத்த ராமேஸ்வரம் - மங்களூரு ரயிலை இயக்கினார்.

ஏற்கனவே பிரதமர் மோடி 2019ல் தொடங்கி வைத்த மதுரை - சென்னை 'தேஜஸ்', 2025ல் புதிதாக கட்டப்பட்ட பாம்பன் பாலம் வழியாக இயக்கப்பட்ட முதல் ரயிலையும் இவரே இயக்கினார்.

இந்திய ரயில்வேயில் 3 முறை வாய்ப்பு கிடைத்த பெருமை கிட்டியதால் பலரும் வாழ்த்துகளை தெரிவித்தனர்.

தனது 32 ஆண்டுகால பணி அனுபவத்தில், 'டெபுடேஷன்'ல் வேறு பணிகளுக்கு செல்லாமல், ஓட்டுநர் பணியை மட்டுமே மேற்கொண்ட இவர், இம்மாதத்துடன் (மார்ச் 31) ஓய்வு பெறுகிறார்.