வில்லாபுரம் அகஸ்தியர் தெரு, கீரைத்துறை அம்பேத்கார் நகர் பகுதியில் நேற்று முன்தினம் இரவு அப்பகுதி இளைஞர்கள் 4 பேர் போதையில் சத்தம் போட்டுக்கொண்டு வந்தனர். வீடுகள் முன் நிறுத்தப்பட்டிருந்த ஒரு டூவீலருக்கு தீ வைத்தனர். பின்னர் அருகில் நிறுத்தப்பட்டிருந்த 3 கார்கள், ஒரு ஆட்டோ, 2 டூவீலர்களை அடித்து சேதப்படுத்தினர்.

இதனால் பீதியடைந்த மக்கள், போலீசாருக்கு தகவல் தெரிவித்தனர். அப்பகுதி கண்காணிப்பு கேமராக்களை போலீசார் ஆய்வு செய்து தேடிச்சென்றனர். அரைமணி நேரத்தில் கீரைத்துறை எஸ்.ஐ., செல்வம் தலைமையிலான 5 போலீசார், கீரைத்துறை புதர் பகுதிக்குள் மறைந்திருந்த பாஸ்கர் 19, ஆல்வேஸ்வரன் 20, முருகன் 19, சக்திவேல் 19, ஆகியோரை கைது செய்தனர். அவர்களை அதிகாரிகள், பொதுமக்கள் பாராட்டினர்.