நேற்றுமுன்தினம் இரவு வண்டியூர் செக்போஸ்டில் வாகன சோதனையில் அவ்வழியே ஆட்டோவில் வந்தவர்கள் போலீசாரை பார்த்ததும் தப்பியோட முயன்றனர். அண்ணாநகர் போலீசார் நால்வரையும் பிடித்து 3 வாள்கள், ஆட்டோவை பறிமுதல் செய்தனர். விசாரணையில் அவர்கள் அண்ணாநகரை சேர்ந்த ராஜா, 33, யாகப்பா நகர் சேர்ந்த சூரியபிரகாஷ், 26, சதீஷ்ராஜ், 23, செண்பகத் தோட்டம் சேர்ந்த விஜய், 38, என்பதும் தெரியவந்தது. நால்வரும் ஆயுதச்சட்டத்தின் கீழ் கைது செய்யப்பட்டு சிறையில் அடைக்கப்பட்டனர்.

இதேபோல் நேற்று மாடக்குளம் போலீசார் கோச்சடை மேலக்கால் மெயின் ரோடு பகுதியில் வாகன சோதனை நடத்தினர். இதில் தப்பியோட முயன்ற செய்த அழகரடி பகுதியைச் சேர்ந்த ஜீவகனை, 22, பிடித்து விசாரித்தபோது அவர் மறைத்து வைத்திருந்த வாளை பறிமுதல் செய்தனர். வைகை வடகரையில் ஆரப்பாளையத்தை சேர்ந்த சல்மான், 23, என்பவரை பிடித்து விசாரணை செய்த போது, அவர் மறைத்து வைத்திருந்த வாளும் பறிமுதல் செய்யப்பட்டது. இருவரும் பல்வேறு வழக்குகளில் தொடர்புடையவர்கள் என தெரியவந்தது. இருவரும் கைது செய்யப்பட்டு சிறையிலடைக்கப்பட்டனர்.