தமிழகத்தில் கடந்த சில தினங்களாக தங்கம் விலை தாறுமாறாக உயர்ந்து வருகிறது. பிப்.,17ம் தேதி தங்கம் விலை கிராமுக்கு, 50 ரூபாய் உயர்ந்து, 7,940 ரூபாய்க்கு விற்கப்பட்டது. சவரனுக்கு, 400 ரூபாய் அதிகரித்து, 63,520 ரூபாய்க்கு விற்பனையானது. பிப்.,18ம் தேதி 22 காரட் ஆபரணத் தங்கத்தின் விலை சவரனுக்கு ரூ.240 உயர்ந்து ஒரு சவரன் ரூ.63,760க்கும், ஒரு கிராம் ரூ.7,970க்கும் விற்பனை செய்யப்படுகிறது.

பிப்.,19ம் தேதி 22 காரட் ஆபரணத் தங்கம் சவரனுக்கு ரூ.520 உயர்ந்தது. ஒரு சவரன் ரூ.64,280க்கும், ஒரு கிராம் ரூ.8,035க்கும் விற்பனை செய்யப்பட்டது. நேற்று (பிப்.,20) 22 காரட் ஆபரண தங்கத்தின் விலை சவரனுக்கு ரூ.280 உயர்ந்தது. ஒரு சவரன் ரூ.64,560க்கும், ஒரு கிராம் ரூ.8,070க்கும் விற்பனை செய்யப்பட்டது.

இந்நிலையில், இன்று (பிப்.,21) 22 காரட் ஆபரணத் தங்கத்தின் விலை சவரனுக்கு ரூ.360 குறைந்து, ஒரு சவரன் ரூ.64,200க்கு விற்பனையாகிறது. கடந்த நான்கு தினங்களில் சவரனுக்கு ரூ.1,440 உயர்ந்தது. இன்று மட்டும் தங்கம் விலை சவரனுக்கு ரூ.360 குறைந்து, நகைப்பிரியர்களுக்கு ஆறுதலை கொடுத்துள்ளது.