'மினி பி.சி.என்.எல்' செயல்முறையில் சிறுநீரக கற்களை அகற்றுவதற்கு சிறிய துளை வழியாக நுண்குழாய் ஒன்று சிறுநீரகத் திற்குள் செலுத்தப்படும்.

இத்தொழில்நுட்பத்தை பயன்படுத்தி குழந்தையின் ஒரு சிறுநீரகத்தில் இருந்த 2 செ.மீ அளவிலான கல்லும், மற்றொரு சிறு நீரகத்தில் இருந்த ஒரு செ.மீ அளவுள்ள மூன்று கற்கள் ஒருங்கிணைந்து பெரிதாக 3 செ.மீ. அளவில் இருந்த கற்கள் அகற்றப்பட்டன.

இந்த சிகிச்சை முறையில் இந்தாண்டில் 12 குழந்தைகளின் சிறுநீரக கற்கள் அகற்றப்பட்டுள்ளன.

சிறுநீரகவியல் மற்றும் ஆண் இனப்பெருக்கவியல் முதுநிலை நிபுணர் டாக்டர் பால் வின்சென்ட் கூறிய தாவது:

ஒரு வயதுக்குட்பட்ட குழந்தைகளுக்கு உரு வாகும் சிறுநீரகக் கற்களை அகற்ற பெரிய அறுவை சிகிச்சை தேவைப்படுவதில்லை. லேசர், நவீன கருவிகள் மூலம் பெரிய வர்களைப் போலவே குழந்தைகளுக்கும் சிகிச்சை அளிக்கலாம்.

இதன்மூலம் குறைவான ரத்தப்போக்கு, மருத்துவமனையில் குறுகிய காலம் தங்குவது, வேகமாக குணமடைவது, தழும்புகள் இல்லாமல் இருப்பது போன்ற பலன்கள் அதிகம் என்றார்.

சிறுநீரகவியல் துறைத்தலைவர் டாக்டர் ரவிச் சந்திரன் கூறுகையில்,''சிறுநீரகக் கல் பாதிப்பு ஏற்படும் குழந்தைகளுக்கு மீண்டும் கற்கள் உருவாகும் வாய்ப்பு 50 சதவீதம் உள்ளது. சிறுநீரக கல் உருவான காரணத்தை கண்டறிந்து அதற்கேற்ப சிகிச்சை அளித்தால் மீண்டும் கற்கள் உரு வாவதை தடுக்க முடியும்” என்றார். மருத்துவ நிர்வாகி டாக்டர் கண்ணன், சிறு நீரகவியல் நிபுணர் வேணுகோபால் சிகிச்சைக்கு உதவினர்.