மதுரையில் அக்கட்சி சார்பில் நடந்த ஆர்ப்பாட்டத்தில் பங்கேற்ற அவர் கூறியதாவது:

மத்திய, மாநில அரசுகள் ஜாதிவாரி கணக்கெடுப்பை உடனடியாக நடத்த வேண்டும். சுதந்திரம் பெற்ற நாள் முதல் ஜாதிவாரி கணக்கெடுப்பு நடத்தப்படவில்லை. இந்த கணக்கெடுப்பு நடத்த மாநில அரசுக்கே அதிகாரம் உள்ளது. இக்கணக்கெடுப்பு மூலம் மத்திய, மாநில அரசுகள் இடஒதுக்கீடு வழங்க வேண்டும்.

தமிழகத்தில் நடிகர்களை நாடாள விட்டதால் மக்கள் அரசியல் விழிப்புணர்வு பெறவில்லை. தமிழக வெற்றிக் கழகத்தையும், விஜயின் அரசியல் வருகையையும் கொங்கு இளைஞர் பேரவை நிராகரிக்கிறது. விஜய் மட்டுமல்ல அஜித், கமல், ரஜினியை மக்கள் ஏற்கக் கூடாது. வரும் சட்டசபை தேர்தலில் விஜயை மக்கள் தண்டிப்பார்கள். நிராகரிப்பார்கள். அதன்பின் அவர் அரசியலில் இருந்து பின்வாங்குவார்.

தமிழக மக்கள் விஜயை ஏற்கக்கூடாது. நடிகர்கள் சலசலப்பை ஏற்படுத்தும் அளவுக்கு மக்கள் அரசியல் விழிப்புணர்வு பெறவில்லை என்றார்.