மதுரை: மேலுார், கொட்டாம்பட்டி, திருப்பரங்குன்றம் பகுதிகளில் தென்னை சாகுபடி செய்யப்படுகிறது. தென்னையைத் தாக்கும் காண்டாமிருக கூன் வண்டு, வாடல் நோயால் பல நுாறு தென்னை மரங்கள் 2 மாதங்களில் அகற்றப்பட்டன. உயரமான தென்னை மரத்தின் ஓலை அடிப்பகுதியில் தண்ணீரை பீய்ச்சி அடிக்கும் தொழில்நுட்பம் தமிழகத்தில் இல்லை. இதற்காக மாவட்டத்திற்கு இரண்டு 'ட்ரோன்களை' தமிழக அரசு வழங்க வேண்டும் என பாரதிய கிசான் சங்க மாநிலத் தலைவர் பார்த்தசாரதி தெரிவித்தார்.