தினமலர் டிவி
Podcast
iPaper
சினிமா
கோயில்கள்
புத்தகங்கள்
Subscription
திருக்குறள்
கடல் தாமரை
/
உள்ளூர் செய்திகள்
/
மதுரை
/
பயணிகள் கவனத்திற்கு; பராமரிப்பு பணிகளால் மயிலாடுதுறை, ராமேஸ்வரம் ரயில் சேவைகளில் மாற்றம்
/
பயணிகள் கவனத்திற்கு; பராமரிப்பு பணிகளால் மயிலாடுதுறை, ராமேஸ்வரம் ரயில் சேவைகளில் மாற்றம்
பயணிகள் கவனத்திற்கு; பராமரிப்பு பணிகளால் மயிலாடுதுறை, ராமேஸ்வரம் ரயில் சேவைகளில் மாற்றம்
பயணிகள் கவனத்திற்கு; பராமரிப்பு பணிகளால் மயிலாடுதுறை, ராமேஸ்வரம் ரயில் சேவைகளில் மாற்றம்
ADDED : நவ 30, 2025 07:13 AM
மதுரை : மதுரை கோட்டத்தில் சோழவந்தான், மணப்பாறை உள்ளிட்ட பல்வேறு இடங்களில் தண்டவாள சீரமைப்பு பணிகள் மேற்கொள்ளப்படுவதால் டிசம்பரில் ரயில் சேவைகளில் மாற்றம் செய்து தெற்கு ரயில்வே அறிவித்துள்ளது.
பகுதி ரத்து
* இன்று (நவ., 30), டிச., 1 முதல் 29 வரை (செவ்வாய், டிச., 24 தவிர்த்து) ஈரோடு - செங்கோட்டை (16845), டிச., 1 முதல் 30 வரை (புதன், டிச., 25 தவிர்த்து) செங்கோட்டை - ஈரோடு (16846) ஆகிய ரயில்கள் திண்டுக்கல் - செங்கோட்டை இடையே ரத்து செய்யப்படுகின்றன.
* டிச., 8, 9ல் மதுரை - ராமேஸ்வரம் - மதுரை பாசஞ்சர் ரயில்கள் (56711/56714) ராமநாதபுரம் - ராமேஸ்வரம் இடையே ரத்து செய்யப்படுகின்றன.
மாற்றுப் பாதை
* டிச., 1 முதல் 30 வரை (புதன், டிச., 25 தவிர்த்து) செங்கோட்டை - மயிலாடுதுறை (16848), டிச., 4, 7, 11, 14, 18, 21, 28ல் நாகர்கோவில் - மும்பை சி.எஸ்.எம்.டி., (16352), டிச., 6, 13, 20, 27ல் கன்னியாகுமரி - ஹவுரா (12666) ஆகிய ரயில்கள் விருதுநகர், மானாமதுரை, காரைக்குடி, திருச்சி வழியாக மாற்றுப் பாதையில் இயக்கப்படுகின்றன.
* இன்று (நவ., 30) டிச., 1 முதல் 28 வரை (டிச., 2, 9, 15, 16, 22, 23, 24 தவிர்த்து) குருவாயூர் - தாம்பரம் (16128), டிச., 5, 12, 19, 26ல் கன்னியாகுமரி - ஐதராபாத் (07229), டிச., 1, 5, 8, 12, 15, 19, 22, 26, 29ல் நாகர்கோவில் - மும்பை சி.எஸ்.எம்.டி., (16340) ஆகிய ரயில்கள் விருதுநகர், மானாமதுரை, காரைக்குடி, திருச்சி வழியாக மாற்றுப் பாதையில் இயக்கப்படுகின்றன.
* டிச., 27ல் நாகர்கோவில் - காச்சிகுடா ரயில் (16354) திருச்சி செல்லாமல் திண்டுக்கல், கரூர் வழியாக மாற்றுப்பாதையில் இயக்கப்படுகிறது.
நேர மாற்றம்
* டிச., 4, 11, 18ல் மதுரை - பிகானீர் ரயில் (22631) 25 நிமிடங்கள் தாமதமாக மதியம் 12:30 மணிக்கு மதுரையில் இருந்து புறப்படும். இன்று, டிச., 7ல் பனாரஸ் - கன்னியாகுமரி காசி தமிழ் சங்கமம் ரயில் (16368), 20 நிமிடங்கள் செல்லும் வழியில் தாமதமாக இயக்கப்படும்.
சிறப்பு ரயில்
* டிச., 30 வரை (புதன், டிச., 25 தவிர்த்து) அதிகாலை 5:10 மணிக்கு செங்கோட்டையில் இருந்து புறப்படும் 10 பெட்டிகள் கொண்ட சிறப்பு ரயில் (06846), தென்காசி, திருநெல்வேலி, கோவில்பட்டி, விருதுநகர் வழியாக காலை 9:30 மணிக்கு மதுரை வரும். மறுமார்க்கத்தில் டிச., 29 வரை (செவ்வாய், டிச., 24 தவிர்த்து) மாலை 6:00 மணிக்கு புறப்படும் சிறப்பு ரயில் (06845), இரவு 10:30 மணிக்கு செங்கோட்டை செல்லும்.
இந்த பணிகளால், ராஜபாளையம், சிவகாசி பகுதியினர் காலையில் மதுரை வருவதற்கு (மாதத்தில் 4 நாட்கள் தவிர) ரயில் சேவை கிடைக்காமல் அவதிக்குள்ளாவர். செங்கோட்டை - மதுரை இடையே ராஜபாளையம் வழியாக சிறப்பு ரயில் இயக்க வேண்டும் என்ற பல நாள் கோரிக்கை கனவாகவே உள்ளது.