டிச.24 இரவு 12:00 மணிக்கு இயேசு பிறப்பை அறிவித்து, மின் ஒளியால் அலங்கரித்த குடிலில், குழந்தை இயேசுவை எழுந்தருள செய்து துாபம் காண்பிக்கப்பட்டது. முன்னதாக கிறிஸ்துமஸ் பாடல்கள், கலை நிகழ்ச்சிகள் நடந்தன. அதிகாலை 2:00 மணி வரை பிறப்பின் சிறப்புகள் குறித்து கூறும் சிறப்பு திருப்பலி நடந்தது. கேரளா, கன்னியாகுமரி உள்பட பல பகுதிகளில் இருந்து ஏராளமான கிறிஸ்தவர்கள் பங்கேற்றனர்.

* திருநகர் சந்தோஷ் பிசியோதெரபி கல்லுாரியில் கிறிஸ்துமஸ் விழா கொண்டாடப்பட்டது. தாளாளர் நோவா தலைமை வகித்தார். நிர்வாக இயக்குனர் விஜயஸ்ரீ பேசினார். மூன்றாம் ஆண்டு மாணவர்கள் கிறிஸ்துமஸ் பாடல்கள் பாடினர். இயேசுநாதர் வாழ்க்கை வரலாறு குறித்த நாடகத்தில் மாணவர்கள் நடித்தனர்.