இச்சிறையில் கைதிகள் மூலம் மருத்துவ பேண்டேஜ், ஆபீஸ் கவர்கள் தயாரித்தல், புத்தக பைண்டிங் உட்பட பல்வேறு தொழில்கள் நடக்கின்றன. 2016 முதல் 2021 வரை கண்காணிப்பாளராக ஊர்மிளா இருந்தார். இவர் தற்போது கடலுார் சிறை கண்காணிப்பாளராக பணிபுரிகிறார்.

இவரது பணிக் காலத்தில் 2019 முதல் 2021 வரை மூலப்பொருட்கள் பல தனியார் நிறுவனங்களில் கொள்முதல் செய்யப்பட்டன. சில நிறுவனங்கள் பொருட்களை வினியோகித்தது போல் போலி பில்கள் தயாரித்து சிறை நிர்வாகத்திற்கு வழங்கின. இதன்மூலம் ரூ.1.63 கோடி வரை முறைகேடு நடந்ததாக புகார் எழுந்தது. ஊர்மிளா உட்பட 11 பேர் மீது மதுரை லஞ்ச ஒழிப்பு போலீசார் வழக்குப் பதிந்தனர். உயர்நீதிமன்றக் கிளையில் ஊர்மிளா முன்ஜாமின் மனு தாக்கல் செய்தார். நீதிபதி பி.தனபால் விசாரணையை ஜன.6க்கு ஒத்திவைத்தார்.