மன்னர் திருமலை நாயக்கர் கல்லுாரி வரலாற்று துறை உதவி பேராசிரியர்கள் ராஜகோபால், பிறையா, முன்னாள் மாணவர் கார்த்திக்மணி, சமூக ஆர்வலர் அஸ்வத் ஆகியோர் கள ஆய்வில் ஈடுபட்டு வருகின்றனர். அவர்கள் கூறியதாவது: வருடத்தை துவக்கமாக வைத்து ஆரம்பிக்கின்ற இந்த கல்வெட்டில் பிள்ளையார் கோயிலுக்கு தானமாக வழங்கியவர் பெயரும், தந்தை பெயரும், ஊரின் பெயரும் பொறிக்கப்பட்டுள்ளது. இது ஒரு அடி நீளமும், 4 அடி அகலமும் கொண்ட பலகை கல்வெட்டாகும்.

இந்த கல்வெட்டு 19ம் நூற்றாண்டின் பிற்பகுதியில் பொறிக்கப்பட்டுள்ளது. இந்த கல்வெட்டில் 'துந்துபவர வருசம் வைகாசி மாதம் 21ம் தேதி, ஆங்கில வருடம் பொ. ஆ 1862 விக்னேஸ்வரர் கோயிலுக்கு வேங்கிட சமுத்திரத்தை சார்ந்த ராமசாமி பிள்ளையாரின் மகன் சக்கரை பிள்ளையார் கொடுத்த உபயம்' என பொறிக்கப்பட்டுள்ளது. ஓய்வு பெற்ற தொல்லியல் பேராசிரியர் சாந்தலிங்கம் உதவியுடன் படிக்கப்பட்டது என்றனர்.