மதுரை அனுப்பானடி தாய் நகர் விவேகானந்தர் தெருவைச் சேர்ந்தவர் ஜெயராமன். மனைவி ஜீவகுமாரி 38, மகள் இன்பலட்சுமி 13, மகன் தனசிங்கப்பெருமாள் 10. மகள் 8 ம் வகுப்பும், மகன் 5ம் வகுப்பும் படித்து வந்தனர். ஆறு மாதங்களுக்கு முன் உடல்நலக்குறைவால் ஜெயராமன் இறந்தார்.

இதனால் குழந்தைகளின் தேவையை பூர்த்தி செய்வதில் ஜீவகுமாரிக்கு சிரமம் ஏற்பட்டது. சிலரிடம் கடன் வாங்கி சமாளித்தார்.

இருப்பினும் வறுமை வாட்டியதால் நேற்றுமுன்தினம் மகன், மகளுக்கு விஷம் கொடுத்து தானும் குடித்தார். மூவரும் மயங்கினர்.

நேற்று காலை அருகில் வசிப்பவர்கள் சந்தேகப்பட்டு கதவை திறந்து பார்த்தபோது ஜீவகுமாரியும், இன்பலட்சுமியும் இறந்து கிடந்தனர். உயிருக்கு போராடிய தனசிங்கப்பெருமாள் அரசு மருத்துவமனையில் சேர்க்கப்பட்டார். கீரைத்துறை போலீசார் விசாரிக்கின்றனர்.