விவசாயி வெள்ளையத்தா பேசுகையில், ''மறவன்குளம் கண்மாய் இதுவரை துார்வாரப்படவில்லை. இதனால் இந்த பகுதிக்கு பகுதிக்கு வைகை தண்ணீர் வரவில்லை. கிராமத்தில் உள்ள உலர் களத்தில் சமூக விரோதிகள் இரவு நேரத்தில் மது அருந்துவதோடு பாட்டிலை உடைத்து போட்டு செல்கின்றனர். இதனால் களத்தை விவசாயிகள் பயன்படுத்த முடியவில்லை.

அதிகாரிகள் நேரில் பார்வையிட்டு சீரமைக்க வேண்டும் என்றார்.

விவசாயி ஜெயக்குமார் பேசுகையில் :

எங்கள் பகுதி கண்மாயில் கழிவு நீர் கலப்பதால் சுகாதார சீர்கேடு ஏற்படுகிறது. தண்ணீர் மூலம் தொற்று நோய் பரவும் முன்பாக தடுக்க வேண்டும் என்றார். விவசாயி பால்பாண்டி பேசுகையில், ''எங்கள் பகுதி சுடுகாடு சேதம் அடைந்துள்ளது. அதை சீரமைக்க நடவடிக்கை எடுக்க வேண்டும்'' என்றார். கடந்தாண்டு பயிர் காப்பீடு செய்த விவசாயிகளில் பாதிக்கும் மேற்பட்டோருக்கு இழப்பீடு கிடைக்கவில்லை'' என்றார்.