பேரையூர் பகுதியில் பலநுாறு ஏக்கரில் சின்ன வெங்காயம் சாகுபடி செய்யப்பட்டுள்ளது. தற்போது அறுவடை தீவிரமடைந்துள்ளது. இதனால் வரத்து அதிகரித்து வெங்காயம் விலை சரிவை சந்தித்துள்ளது. சில மாதங்களுக்கு முன்பு கிலோ ரூ.50க்கு கொள்முதல் செய்யப்பட்டது. தற்போது கிலோ ரூ. 15 க்குத்தான் கொள்முதல் செய்யப்படுகிறது.

விவசாயிகள் கூறுகையில், ''விதைப்பு முதல் அறுவடை வரை சின்ன வெங்காயம் சாகுபடி செய்ய ஏக்கருக்கு ரூ.1.25 லட்சம் செலவாகிறது. விதைக்கும் போது கிலோ ரூ.50 க்கு விற்றது. தற்போது ரூ.10 முதல் ரூ.15 வரை கொள்முதல் செய்கின்றனர். இதனால் ரூ. ஒரு லட்சம் வரை நஷ்டம் ஏற்பட்டுள்ளது'' என்றனர்.