தலைவர் மணவாளன் தலைமை வகித்தார். பொதுச் செயலாளர் சிங்கராஜூ முன்னிலை வகித்தார். மாநில அமைப்பாளர் வீரபத்திரன் வரவேற்றார். ஒருங்கிணைப்பாளர்கள் தியாகராஜன், சரவணன், ரவிபாண்டியன், ராஜ்கமல், ராமநாதன் உட்பட பலர் பங்கேற்றனர்.

மாநாட்டில் மதுரையில் மெட்ரோ ரயில்சேவையை விரைவில் துவங்க வேண்டும். மதுரையில் மாநில மனித உரிமை ஆணையத்தின் கிளையை துவக்க வேண்டும். உயர்நீதி மன்றத்தில் தமிழை வழக்காடு மொழியாக அறிவிக்க வேண்டும். சித்திரைத் திருவிழாவை தேசிய திருவிழாவாக அறிவிக்க வேண்டும். நுகர்வோர் சட்டங்களை பாடத்திட்டத்தில் சேர்க்க வேண்டும். டோல் கட்டணத்தை பாதியாக குறைக்க வேண்டும்.

மதுரை விமான நிலையத்தை சர்வதேச நிலையமாக அறிவித்து, அமெரிக்கா, ஐரோப்பிய நாடுகளுடன் நேரடி விமான சேவையை ஏற்படுத்த வேண்டும் என தீர்மானம் நிறைவேற்றினர்.