கணவனால் கைவிடப்பட்டோர், ஆதரவற்ற விதவைகளின் வாழ்வாதாரத்தை மேம்படுத்த மதுரை ரோட்டரியின் முதல் பெண் ஆளுநர் ஆனந்த ஜோதியின் முயற்சியால் தமிழகத்தின் 8 வருவாய் மாவட்டங்களில் இருந்து 50 பெண்களுக்கு ரோட்டரி சார்பிலும் ரோட்டரியின் வருங்கால இயக்குநருமான முருகானந்தம் பங்களிப்புடன் இலவச மின் ஆட்டோ வழங்க ஏற்பாடு செய்யப்பட்டது.

மதுரையில் பிளாசம், சென்ட்ரல், வடமேற்கு, மேற்கு, உசிலம்பட்டி, இளைஞர் அமைப்பான பெர்செப்ட்டாஸ் எனும் 6 ரோட்டரி சங்கங்கள் மூலம் மாவட்டத்தில் இருந்து தகுதியான நபர்கள் கண்டறியபட்டு மின் ஆட்டோ வழங்கப்பட்டன.

ரோட்டரி அறக்கட்டளை முன்னாள் ஆளுநர் ஆனந்த ஜோதி, ஆளுநர் ராஜா கோவிந்தசாமி, தலைவர் குமரப்பன், ஆர்.டி.ஓ., சிங்காரவேலன் உள்ளிட்டோர் பங்கேற்றனர்.