போச்சோனியா கிளமிடோஸ்போரியா, பர்புரியோசிலியம் லிலாசினம் வகை உயிரியல் பூஞ்சாணங்களை பயன்படுத்தினால் பயிருக்கும் சுற்றுச்சூழலுக்கும் பாதிப்பு ஏற்படாது; மண்வளம் பாதுகாக்கப்படும். 100 கிலோ மட்கிய தொழு உரத்துடன் ஒரு கிலோ பர்புரியோசிலியம் லிலாசினம் கலந்து ஈரப்படுத்தி 2 முதல் 3 வாரம் வைத்திருந்து அடியுரமாக இடவேண்டும். திரவ வடிவ திரவங்களை ஏக்கருக்கு 1 முதல் 2 லிட்டர் என்ற அளவில் தரை வழியாக கொடுக்கலாம்.

பழப் பயிர்களுக்கு வயதிற்கு ஏற்றவாறு 500 கிராம் முதல் 1 கிலோ இடலாம். போச்சோனியா கிளமிடோஸ்போரியா உயிரியல் பூஞ்சாணத்தை ஏக்கருக்கு 2 கிலோ அளவில் மட்கிய தொழு உரத்துடன் கலந்து இட வேண்டும்.இவை பெண் நுாற்புழுக்களைம் முட்டைகளையும் அழிக்கிறது. வேர் ஆரோக்கியத்தை மேம்படுத்தி பயிரின் வளர்ச்சி, மகசூலை அதிகரிக்கும். பூஞ்சாணங்களை பயன்படுத்தும் போது மண் ஈரப்பதமாக இருக்க வேண்டும். அனைத்து வேளாண் விரிவாக்க மையங்களிலும் பூஞ்சாணங்களை வாங்கி விவசாயிகள் பயனடையலாம் என்றார்.