இந்நிலையங்களில் கொள்முதல் மையங்களில் ஏக்கருக்கு 2 டன் அளவிற்கே நிர்ணயம் செய்யப்படுவதால் கூடுதலாக விளைந்த நெல்லை விற்பது சிரமமாக உள்ளதாக விவசாயிகள் தெரிவித்தனர். அவர்கள் கூறியதாவது: 40 கிலோ அளவுள்ள 48 மூடை என்ற கணக்கில் ஒரு ஏக்கருக்கான நெல்லை மையத்தில் நிர்ணயம் செய்கின்றனர். தற்போதுள்ள நெல் ரகங்கள் எல்லாம் உயர் விளைச்சல் ரகங்கள் என்பதால் ஒரு ஏக்கருக்கு 2.25 டன் முதல் 2.5 டன் அளவிற்கு நெல் விளைகிறது. ஒரு விவசாயி குறைந்தது 3 ஏக்கரில் நெல் பயிரிட்டிருந்தால் கூடுதலாக 30 மூடைகள் நெல் கிடைக்கிறது. இவற்றை விற்பதற்கென தனி வியாபாரியைத் தேடிக் கொண்டிருக்க முடிகிறது. கொள்முதல் மையத்தில் நெல்லை எடையிட்டால் உடனடியாக பணம் கிடைத்து விடும். ஏக்கருக்கான டன் அளவை மாநில அளவில் மீண்டும் பரிசோதித்து நிர்ணயம் செய்ய வேண்டும்.

பிப். முதல்வாரத்தில் 50 சதவீத விவசாயிகள் அறுவடைப் பணிகளை தொடங்கி விடுவர். மையத்தில் எடை இயந்திரம், சாக்கு எல்லாம் இருந்தாலும் ஆட்கள் நியமிப்பதில் தான் இழுபறியாக உள்ளது. எனவே தாமதமின்றி ஆட்களை நியமிக்க வேண்டும். ஒருமாத காலத்திற்குள் அனைத்து நெல்லையும் எடையிட வேண்டும் என்பதால் தினமும் மையம் செயல்படும் நேரத்தையும் அதிகரிக்க வேண்டும் என்றனர்.

வேளாண் இணை இயக்குநர் முருகேசனிடம் கேட்டபோது, ''சிட்டா, அடங்கலுடன் வரும் விவசாயிகளிடம் கறாராக இவ்வளவு மூடை என்று சொல்வதில்லை. வியாபாரிகள் வருவதை தடுக்கவே நிபந்தனை விதிக்கப்படுகிறது. கூடுதலாக ஒருசில மூடைகள் வருவதை தடுப்பதில்லை'' என்றார்.