நேற்று கிருஷ்ண ஜெயந்தியை முன்னிட்டு திருப்பாலை இஸ்கான் கிருஷ்ண பலராமர் கோயிலில் சிறப்பு அலங்காரத்தில் கிருஷ்ண பலராமர் பக்தர்களுக்கு அருள்பாலித்தனர். யாதவர் கல்லுாரி விளையாட்டு மைதானத்தில் இத்திருவிழாவின் ஒருபகுதியாக,இஸ்கான் அமைப்பு சார்பில் காலை 8:00 மணி முதல் அதிகாலை 12:00 மணி வரை கிருஷ்ணர் பலராமருக்கு அபிஷேகம், ஆரத்தி, ஆராதனைகள் நடக்கின்றன. பக்தர்களுக்கு நாள் முழுதும் பிரசாத விருந்து ஏற்பாடு செய்யப்பட்டுள்ளது.

7 முக்கிய திருத்தலங்களான பத்ரிகாஷ்ரமம் பத்ரிநாராயணன், துவாரகை கிருஷ்ணர், அயோத்தி ராமர், பண்டரிபுரம் விட்டல் ருக்மணி, உடுப்பி கிருஷ்ணர், குருவாயூரப்பன் கிருஷ்ணர், திருப்பதி வெங்கடாஜலபதி ஆகிய திருத்தலங்களை காலை 8:00 மணி முதல் இரவு 9:00 மணி வரை ஒரே இடத்தில் காணலாம். அனுமதி இலவசம்.

இஸ்கான் ஸ்தாபகர் ஆச்சாரியார் பக்தி வேதாந்த சுவாமி பிரபுபாதர் தோன்றிய நாளான இன்று (ஆக.,17), மாலை 5:00 மணிக்கு வினாடி வினா போட்டி, இரவு 7:00 மணிக்கு பிரபுபாதர் பற்றிய சிறப்புத் திரைப்படம்உள்ளிட்ட நிகழ்ச்சிகள் நடக்கின்றன.

இரவு 7:00 மணி முதல் 8:00 மணி வரை கிருஷ்ணரின் உருவங்களை 'ட்ரோன் ஷோ' மூலம் காட்சிப்படுத்துகின்றனர். 10 கி.மீ., தொலைவில் இருந்தும் வானில் கண்டுகளிக்கலாம். இன்றுடன் இத்திருவிழா நிறைவுபெறுகிறது.