மதுரை மாவட்டத்தில் வடகிழக்கு பருவமழை கடந்த சில நாட்களாக ஓய்வெடுத்தது. இந்நிலையில் நேற்று முன்தினம் வங்கக் கடலில் புயல் உருவானதால் அதன் பாதிப்பு மதுரை வரை தொடர்ந்தது. மாவட்டம் முழுவதும் பரவலாக நவ.28 இரவு முதலே மழை பெய்யத் துவங்கியது. நவ.29 பகல் முழுவதும் தொடர்ந்து, நேற்று அதிகாலை வரை நீடித்தது. பகல் முழுவதும் இருண்டு மழை தொடர்ந்ததால் 2 நாட்களாக குளிரும் அதிகளவில் இருந்தது.

மழை விவரம் மாவட்ட அளவில் நேற்று முன்தினம் பெய்த மழை விவரம் (மி.மீ.,யில்) வருமாறு:

மதுரை வடக்கு - 31.4, தல்லாகுளம்- 23.6, பெரியபட்டி- 27.4, விரகனுார்- 11.4, சிட்டம்பட்டி- 12.6, கள்ளந்திரி- 32, இடையபட்டி- 55, தனியாமங்கலம்- 34, மேலுார்- 19.2, புலிப்பட்டி- 20.6, வாடிப்பட்டி- 35, சோழவந்தான்- 40, சாத்தையாறு அணை- 17, மேட்டுப்பட்டி- 37.8, ஆண்டிப்பட்டி- 34.6, உசிலம்பட்டி- 23, குப்பணம்பட்டி- 12, விமான நிலையம்- 18, திருமங்கலம்- 12.2, பேரையூர்- 20.4, எழுமலை- 22.6, கள்ளிக்குடி- 12.6.

நீர்மட்டம் வருமாறு பெரியாறு அணையின் நீர்மட்டம் 139.95 அடி (மொத்த உயரம் 152 அடி). அணையில் 7 ஆயிரத்து 113 மில்லியன் கனஅடி தண்ணீர் உள்ளது. அணைக்கு வினாடிக்கு 1470 கனஅடி தண்ணீர் வருகிறது. அணையில் இருந்து வினாடிக்கு 1600 கனஅடி தண்ணீர் திறந்துவிடப்பட்டுள்ளது.

வைகை அணையின் நீர்மட்டம் 62.83 அடி (மொத்த உயரம் 71 அடி). அணையில் 4166 மில்லியன் கனஅடி தண்ணீர் உள்ளது. அணைக்கு வினாடிக்கு 1902 கனஅடி தண்ணீர் வருகிறது. அணையில் இருந்து வினாடிக்கு 1319 கனஅடி தண்ணீர் வெளியேற்றப்படுகிறது.

சாத்தையாறு அணையின் நீர்மட்டம் 5.30 அடி (மொத்த உயரம் 29 அடி). அணையின் நீர்மட்டம் 312 மில்லியன் கன அடி. அணைக்கு வினாடிக்கு 2 கனஅடி தண்ணீர் வரத்து உள்ளது. அணையில் இருந்து தண்ணீர் வெளியேற்றப்படவில்லை.