மதுரை விவசாய கல்லுாரி பேராசிரியை மாரீஸ்வரி, இணை பேராசிரியர் சுரேஷ், உதவி இயக்குநர் ராமசாமி, வேளாண் அலுவலர் சரவணகுமார் குழுவினர் வி.ரெட்டிரபட்டி, ந.முத்துலிங்காபுரம், பி.சுப்புலாபுரம் பகுதியில் படைப்புழு தாக்கிய வயல்களை ஆய்வு செய்தனர்.

இணை இயக்குநர் சுப்புராஜ் கூறுகையில், புரட்டாசி, ஐப்பசி பட்டங்களில் சாகுபடி செய்த வயல்களில் படைப்புழு தாக்குதல் அதிகளவில் காணப்படுகிறது. வளர்ச்சி நிலையில் உள்ள பயிர்களுக்கு ஏக்கருக்கு 100 மி.கி. இமாம்மெக்டின் பென்சோயேட் அல்லது 100 மி.லி. ஸ்பைனிடோரம் மருந்தை தெளிக்க வேண்டும். ஏக்கருக்கு 5 இனக்கவர்ச்சி பொறி, ஒரு விளக்கு பொறி வைத்து படைப்புழுவை கட்டுப்படுத்த விவசாயிகளுக்கு ஆலோசனை வழங்கப்பட்டது'' என்றார்.