20 படுக்கைகள் உள்ள இந்த வார்டில் தற்போது 12 பேர் சிகிச்சையில் உள்ளதாக டாக்டர்கள் தெரிவித்தனர். அவர்கள் கூறியதாவது: ஆல்கஹால் மற்றும் புகையிலைக்கு அடிமையான பழைய, புதிய நோயாளிகள் 40 பேர் தினமும் சிகிச்சைக்கு வருகின்றனர். போதைக்கு அடிமையான ஒரு பெண்ணுக்கு கடந்த மாதம் சிகிச்சை அளித்து மீட்டோம். 18 வயதுக்குட்பட்ட 5 சிறுவர்களுக்கு புகையிலை பழக்கத்தில் இருந்து மீள சிகிச்சை அளிக்கப்பட்டுள்ளது. ஆண்கள் பெரும்பாலும் குடிக்கு அடிமையானவர்களாக உள்ளனர். வார்டில் சேர்க்கப்படும் உள்நோயாளிகளுக்கு முதல் இரண்டு வாரங்கள் மட்டும் உறவினர்கள் உடனிருக்க வேண்டும். நோயாளி நடமாட ஆரம்பித்தால் அடுத்த 2 வாரங்களுக்கு தனியாக தங்கி சிகிச்சை பெறலாம்.

படுக்கையில் மட்டும் இருந்தால் மனஅழுத்தம் ஏற்படும் என்பதால் கேரம், செஸ் விளையாடலாம். வார்டில் உள்ள சிறு நுாலகத்தை பயன்படுத்தலாம். தினமும் யோகா பயிற்சி அளித்து மனதை அமைதிப்படுத்துகிறோம் என்றனர்.