மதுரை சொக்கிக்குளம் உழவர்சந்தை அருகே தொட்டிகளில் குப்பை நிரம்பி உள்ளன. ரோட்டை மையமாக கொண்டு போக்குவரத்து இடையூறாகவும், காற்று மாசுபாட்டுடன் நோய்த்தொற்று ஏற்படுத்தும் விதமாகவும் உள்ளது. தொட்டியை வேறு இடத்திற்கு மாற்ற நடவடிக்கை எடுக்க வேண்டும்.

-- கருணாகரன், நரிமேடு.

குடியிருப்புக்குள் நீர்

மதுரை கூத்தியார்குண்டு கண்மாய் நீர் குடியிருப்புக்குள் வருகிறது. தண்ணீர் வீடுகள், அலுவலகங்களுக்குள் செல்வதை தடுக்க வேண்டும். குடியிருப்புக்குள் வருவதால் கொசுத் தொல்லையும் அதிகரித்துள்ளதுடன், நோய்பரவும் அபாயம் ஏற்பட்டுள்ளது.

-- சிவமுருகன், கூத்தியார்குண்டு.

ரோட்டில் குப்பை

மதுரை கே.கே. நகர் விநாயகர் நகர் தெருவில் ரோட்டில் குப்பை கழிவுகளாக கிடக்கிறது. அருகே ஓட்டல்கள், மருத்துவமனைகள், அலுவலங்கள் உள்ளன. சுகாதார சீர்கேடுடன் நோய்த்தொற்று அபாயமும் ஏற்படுகிறது. விரைவில் துாய்மைப் படுத்த வேண்டும்.

-- கார்த்திக், கே.கே. நகர்.