நகராட்சி வழங்கும் சம்பளத்தை ஒப்பந்ததாரர் குறைத்து கொடுப்பதால், அந்த ஒப்பந்தத்தை ரத்து செய்யவும், தங்களை நிரந்தர பணியாளராக மாற்றக் கோரியும், சம்பளம், இ.எஸ்.ஐ., இ.பி.எப்., வழங்க வலியுறுத்தியும் கோஷம் எழுப்பினர். ஆர்ப்பாட்டத்திற்காக பணி புறக்கணிப்பு செய்து சாலை மறியலிலும் ஈடுபட்டனர்.

அவர்களிடம் போலீஸ் இன்ஸ்பெக்டர் சரவணன், நகராட்சி பொறியாளர் முத்துக்குமார் பேச்சுவார்த்தை நடத்தினர். இதையடுத்து கலெக்டர், மண்டல அதிகாரியை சந்திப்பதாக முடிவு செய்யப்பட்டதால், மறியலை கைவிட்டனர். ஆர்ப்பாட்டத்தால் திருவாதவூர் ரோட்டில் அரை மணி நேரம் போக்குவரத்து பாதித்தது.

மின்வெட்டு மறியல்

மேலுார் முத்துராமலிங்கம்பட்டியில் 200 க்கும் மேற்பட்டோர் வசிக்கின்றனர். இப் பகுதியில் மின்தட்டுப்பாடு, திடீர் மின்தடை ஏற்படுகிறது. இதுகுறித்து மின்வாரிய அதிகாரிகளிடம் மனு கொடுத்தும் நடவடிக்கை இல்லை. ஆத்திரமடைந்த மக்கள் நேற்று காரைக்குடி ரோட்டில் கீழையூரில் பஸ் மறியலில் ஈடுபட்டனர்.

போலீஸ் இன்ஸ்பெக்டர் சரவணபோஸ், மின்வாரிய ஏ.இ., ராஜ்குமார் ஒரு வாரத்தில் மின்தடையை சரி செய்வதாக கூறியதால், மறியலை கைவிட்டனர். காரைக்குடி ரோட்டில் 15 நிமிடம் போக்குவரத்து பாதித்தது.