உசிலம்பட்டி: உசிலம்பட்டி ஆச்சி இன்டர்நேஷனல் பள்ளியின் 10ம் ஆண்டு விழா நடந்தது. இயக்குநர் ஜெயகிஷோர்குமார் வரவேற்றார். தாளாளர் காசிமாயன், முதல்வர் பாஸ்டின்குமார், ஆசிரியர்கள், மாணவர்கள் பங்கேற்றனர். சிறப்பு விருந்தினராக ஓய்வு பெற்ற போலீஸ் டி.ஜி.பி., சைலேந்திரபாபு பொதுத்தேர்வுகளில் அதிக மதிப்பெண் பெற்ற, மாநில, மாவட்ட அளவில் நடந்த பல்வேறு போட்டிகளில் முதலிடம் பெற்ற மாணவர்களுக்கும், பாடங்களில் 100 மதிப்பெண்கள் பெற வைத்த ஆசிரியர்களுக்கும் பரிசு வழங்கினார்.