மதுரை: கோ.புதுார் மேரி ஆன் மெட்ரிக் மேல்நிலைப் பள்ளியில் மாணவர்களிடையே போதைப் பொருள் தடுப்பு குறித்த விழிப்புணர்வு நிகழ்ச்சி துணைமுதல்வர் ராஜம் தலைமையில் நடந்தது. வடக்கு தாசில்தார் ஆனந்தி, எஸ்.ஐ.,க்கள் பாண்டியன், வெங்கடேஷ் ஆகியோர் போதைப் பொருள் ஒழிப்பு குறித்து விழிப்புணர்வு ஏற்படுத்தி பேசினர்.

குழந்தைகள் தினவிழா

மதுரை: பாத்திமா கல்லுாரியில் மகளிர் மேம்பாட்டுத் திட்டத்தின் கீழ் குழந்தைகள் தினவிழா நடந்தது. மாணவி விஸ்வதர்ஷினி வரவேற்றார். குழந்தைகள் பாராளுமன்றம் துவங்கப்பட்டது. தேர்வு செய்யப்பட்டவர்கள் பதவியேற்றனர். தமிழ்த்துறை உதவிப் பேராசிரியை பூங்கொடி சிறப்பு விருந்தினராக பங்கேற்று வாழ்வில் உயர்ந்த நிலைகளை எவ்வாறு அடையாளம் என்பது குறித்து பேசினார்.

மகளிர் மேம்பாட்டுத் திட்ட ஒருங்கிணைப்பாளர் பிந்து ஆண்டனி உள்ளிட்டோர் பங்கேற்றனர். திட்ட ஆசிரியர்கள், கிராமப்புற மாலை நேர வகுப்பு ஆசிரியர்கள், மாணவிகள் பங்கேற்றனர். வடுகப்பட்டி, அதலை, அம்பலத்தடி, அரியூர், பரவை கிராம குழந்தைகள் பங்கேற்றனர். பரவை மாணவி கார்த்திகா நன்றி கூறினார்.