முத்தமிழ் மன்ற விழா

வாடிப்பட்டி: அரசு பெண்கள் மேல்நிலைப்பள்ளியில் இளங்கோ முத்தமிழ் மன்றம் சார்பில் இலக்கிய மன்ற விழா நடந்தது. தலைமை ஆசிரியர் திலகவதி தலைமை வகித்தார். மன்ற செயலாளர் புலவர் சங்கரலிங்கம், பெற்றோர் ஆசிரியர் கழக துணைத் தலைவர் ரங்கசாமி முன்னிலை வகித்தனர். ஆசிரியை ராணி வரவேற்றார். 100 சதவீதம் வருகை பதிவு செய்த மாணவிகளுக்கு நடிகர் அஜய்ரத்தினம் பரிசு வழங்கினார். கண்ணதாசன் இலக்கிய பேரவை தலைவர் பொன் கலைதாசன், இளங்கோ முத்தமிழ் மன்ற ஆலோசகர் தங்கராஜ், உடற்கல்வி ஆசிரியர் சந்திரமோகன் உட்பட பலர் பங்கேற்றனர். உதவி தலைமை ஆசிரியை பிரேமா நன்றி கூறினார்.