* திருநெல்வேலி - எழும்பூர்

ஜூன் 21 இரவு 9:55 மணிக்கு எழும்பூரில் இருந்து புறப்படும் சிறப்பு ரயில் (06089), மறுநாள் காலை 8:45 மணிக்கு திருநெல்வேலி செல்லும். மறுமார்க்கம் ஜூன் 22 இரவு 9:40 மணிக்கு புறப்படும் சிறப்பு ரயில் (06090), மறுநாள் காலை 8:15 மணிக்கு எழும்பூர் செல்லும்.

இவ்விரு ரயில்களும் கோவில்பட்டி, சாத்துார், விருதுநகர், மதுரை, சோழவந்தான், திண்டுக்கல், திருச்சி, ஸ்ரீரங்கம், அரியலுார், விருத்தாச்சலம்,விழுப்புரம், மேல்மருவத்துார், செங்கல்பட்டு, தாம்பரம் வழியாகச் செல்லும். 2 ஏ.சி., இரண்டடுக்கு படுக்கை வசதிப் பெட்டிகள், 2 ஏ.சி., மூன்றடுக்குபடுக்கை வசதிப் பெட்டிகள், 17 இரண்டாம் வகுப்பு படுக்கை வசதிப் பெட்டிகள், 2 சரக்குப் பெட்டிகளுடன் இயங்கும்.

முருக பக்தர்கள் மாநாட்டிற்கு வரும் பக்தர்கள் இந்த ரயிலை பயன்படுத்திக்கொள்ளலாம் என பா.ஜ., மாநில தலைவர் நயினார் நாகேந்திரன் கூறியுள்ளார்.

ராமேஸ்வரம் - விழுப்புரம்

ஜூன் 21, 22, 28, 29ல் அதிகாலை 4:15 மணிக்கு விழுப்புரத்தில் இருந்து புறப்படும் சிறப்பு ரயில் (06109), காலை 11:40 மணிக்கு ராமேஸ்வரம் செல்லும். மறுமார்க்கம் மேற்கண்ட தேதிகளில் மதியம் 2:35 மணிக்கு புறப்படும் சிறப்பு ரயில் (06110), இரவு 10:35 மணிக்கு விழுப்புரம் செல்லும்.

இவ்விரு ரயில்களும் ராமநாதபுரம், மானாமதுரை, மதுரை, திண்டுக்கல், திருச்சி, ஸ்ரீரங்கம், விருத்தாச்சலம் வழியாகச் செல்லும். ஒரு ஏ.சி., சேர் கார் பெட்டி, 11 சேர் கார் பெட்டிகள், 2 பொதுப் பெட்டிகள், 2 மாற்றுத் திறனாளிகளுக்கான பெட்டிகளுடன் இயங்கும்.

இவற்றுக்கான முன்பதிவு இன்று காலை 8:00 மணிக்கு துவங்குகிறது.