மேலூரில் 23 டாஸ்மாக் கடைகள் உள்ளன. இக்கடை ஊழியர்கள் நேற்று ஒரு நாள் அடையாளமாக கடையடைப்பு செய்தனர். இப்பணிக்கு போதுமான ஊழியர் மற்றும் இட வசதி இல்லாததால் எதிர்ப்பு தெரிவித்து நேற்று ஊழியர்கள் கடையடைப்பு செய்தனர்.

உசிலம்பட்டி:

இப்புதிய நடைமுறைக்கு உசிலம்பட்டி பகுதி பணியாளர்கள் எதிர்ப்பு தெரிவித்தனர். பாட்டில்களை திரும்பப் பெறுவதற்கு தனி ஊழியர்கள் நியமிக்கக் கோரி நேற்று மதியம் 12:00 மணி முதல் 3:00 மணிவரை கடைகளை அடைத்து போராட்டம் நடத்தினர். நகர் மற்றும் கிராமப்பகுதிகளில் 20 க்கும் மேற்பட்ட கடைகள் 3 மணிநேரம் அடைக்கப்பட்டிருந்தன. டாஸ்மாக் அதிகாரிகள் சமரசப் பேச்சுவார்த்தைக்குப்பின் கடைகளை திறந்தனர்.

மதுரை கலெக்டர் அலுவலகத்தில் திரண்ட டாஸ்மாக் ஊழியர்கள் பலர் குறைதீர் நாள் கூட்டத்தில் இருந்த கலெக்டர் பிரவீனிடம் மனு கொடுத்தனர்.