சோழவந்தான்: சோழவந்தான் அருகே திருவேடகம் தெற்கு ரத வீதியில் சாக்கடை கால்வாய் பாலம் உயர்ந்து, ரோடு தாழ்ந்துள்ளதால் தண்ணீர் தேங்கி அப்பகுதியினர் சிரமமடைகின்றனர். அப்பகுதி முருகன் கூறியதாவது: இங்கு ஏழு ஆண்டுகளுக்கு முன்பு சாக்கடை கால்வாய் பாலம் கட்டப்பட்டது. ரோடு மட்டத்தில் இருந்து உயர்த்தி கட்டப்பட்டது. கட்டி முடித்து ரோட்டை பாலத்தின் மட்டத்திற்கு உயர்த்தாமல் விட்டுவிட்டனர். இதனால் அப்பகுதி மேடு பள்ளமாகவும் சேதம் அடைந்த நிலையிலும் உள்ளது.