உசிலம்பட்டி: தொட்டப்பநாயக்கனுார் பரமசிவன் பொட்டல் பகுதியில் 1997ம் ஆண்டு ஆதிதிராவிட மக்கள் 27 பேருக்கு இலவச வீட்டுமனை பட்டா வழங்கப்பட்டது. பாதை இல்லாததால் வசிக்கவில்லை. கடந்த 2013ல் இப்பகுதியை மீண்டும் அளவீடு செய்து 202 பேருக்கு பட்டா வழங்கினர். ஏற்கனவே பட்டா வாங்கியவர்கள் எதிர்ப்பு தெரிவித்து மறியலில் ஈடுபட்டனர். 'குறிப்பிட்ட காலத்தில் வீடு கட்டி குடியேறாததால் காலி இடமாக கணக்கிட்டு பட்டா வழங்கப்பட்டது. புதிய மனு கொடுத்து பட்டா பெற்றுக்கொள்ளலாம்' என வருவாய் அதிகாரிகள் சமரசம் செய்தனர்.