வடகிழக்கு பருவமழை முடியும் தறுவாயில் சில நாட்களாக வானம் மப்பும் மந்தாரமுமாக இருந்தது. நேற்று முன்தினமும், நேற்றும் சாரல், துாறலாக மழை பொழிந்தது. நகர் முழுவதும் பெய்த மழையால் குளிர் அதிகமாக இருந்தது. நேற்று காலை 10:00 மணிக்கு துவங்கிய மழை மாலை வரை தொடர்ந்தது.

ரோடுகளில் தண்ணீர் வழிந்தோடியது. இதனால் பல பகுதிகளில் வாகன நெரிசலும் ஏற்பட்டது. சாலையோர வியாபாரம் பாதித்தது என வியாபாரிகள் தெரிவித்தனர்.

மழையளவு வருமாறு நேற்று முன்தினம் பெய்த மழையளவு (மி.மீ.,யில்) வருமாறு: மதுரை வடக்கு- 0.6, தல்லாகுளம் 0.4, சிட்டம்பட்டி 5.4, கள்ளந்திரி 5, இடையபட்டி 1, தனியாமங்கலம் 8, மேலுார் 6.2, புலிப்பட்டி 8.4, சாத்தையாறு அணை 5.8.