கள்ளிக்குடி: மதுரை மேற்கு மாவட்ட அ.தி.மு.க., சார்பில் கள்ளிக்குடியில் 'யார் அந்த சார்' ஸ்டிக்கர் வாகனங்களில் ஒட்டும் நிகழ்ச்சி சட்டசபை எதிர்க்கட்சி துணைத் தலைவர் உதயகுமார் தலைமையில் நடந்தது.அவர் பேசியதாவது : தி.மு.க., அரசு 4 ஆண்டுகளில் அதிகளவில் கடன் வாங்கி இருக்கிறது. 4 ஆண்டுகளில் வருவாய் அதிகரித்துள்ளது. மூலதன செலவு மட்டும் குறைந்து இருக்கிறது என்று கேட்டால் 'வாழைப்பழ காமெடி' போல் அரசு பதில் அளிக்கிறது. கிராமங்களில் போதைப் பொருள் நடமாட்டம் அதிகரித்துவிட்டது. இதில் இருந்து தமிழக இளைஞர்களை, எதிர்கால சந்ததியரை காப்பாற்றுங்கள் என வலியுறுத்தியும் நடவடிக்கை இல்லை.