தி.மு.க., பொதுக்குழுவில் 27 தீர்மானங்களை போட்டீர்கள். அதில் கச்சத்தீவை நீங்களே தாரைவார்த்து விட்டு மக்களை ஏமாற்றும் வகையில் தீர்மானம் போடுகிறீர்கள். '7வது முறையாக தி.மு.க., வெற்றி பெறும். 2வது முறையாக திராவிட மாடல் தொடரும்' என்று உங்கள் பேச்சு தலைப்புச் செய்தியாக இருக்க வேண்டும் என்று கூறிவிட்டு, 'நான் இதை மமதையுடன் பேசவில்லை' என ஆணவத்துடன் பேசி உள்ளீர்கள். அதன் உச்சமாக பழனிசாமியை நீங்கள் விமர்சித்தது அ.தி.மு.க., தொண்டர்களால் ஏற்கமுடியவில்லை. தொடர்ந்து இதுபோன்று ஆணவமாக, அகம்பாவமாக பேசினால் நாங்கள் போராட தயாராக இருப்போம். இவ்வாறு கூறினார்.