மத்திய அமெரிக்க நாடான பனாமாவில், அக்.,19 முதல் 21 வரை உலக ரோபோட்டிக் ஒலிம்பியாட் போட்டி நடந்தது.

25க்கும் மேற்பட்ட நாடுகளைச் சேர்ந்த திறமையான மாணவர்கள் பலர் பங்கேற்றனர்.

இதில் சென்னை பொன்னேரி வேலம்மாள் சர்வதேச பள்ளி பிளஸ் 1 மாணவர்கள் அவிவ், அஞ்சனா தேவி, பவித்ரா ஆகியோர், தங்கள் சிந்தனை திறன், தொழில்நுட்ப அறிவு, குழு பணி மூலம் மூன்றாம் இடம் வென்றனர்.

பள்ளிக்கு மட்டுமின்றி நாட்டுக்கே பெருமை சேர்த்த மாணவர்களுக்கும், வழிநடத்திய ஆசிரியர்களுக்கும் பள்ளி நிர்வாகத்தினர் வாழ்த்து தெரிவித்தனர்.