ADDED : ஏப் 11, 2026 09:42 PM

அ நிறம் | அளவு
சோழவந்தான்: காடுபட்டியில் ஆபத்தான வகையில் அமைந்துள்ள நிழற்குடையை அகற்ற வேண்டுமென அப்பகுதியினர் வலியுறுத்துகின்றனர். இங்கு விக்கிரமங்கலம் ரோட்டில் பல ஆண்டுகளுக்கு முன்பு நிழற்குடை அமைக்கப்பட்டது. போதுமான பராமரிப்பில்லாததால் கட்டடத்தின் வலிமை குறைந்து இடியும் நிலையில் உள்ளது.
பல இடங்களில் காரைகள் பெயர்ந்து கம்பிகள் தெரிகின்றன. பயணிகள் பயன்படுத்தாததால் குப்பை நிறைந்து பாழடைந்து வருகிறது. மேலும் இரவில் மது அருந்தவும் சமூக விரோதிகளின் கூடாரமாக மாறி வருகிறது. விபரீதம் விளையும் முன் ஒன்றிய அதிகாரிகள் நடவடிக்கை எடுத்து அகற்ற வேண்டுமென அப்பகுதியினர் எதிர்பார்க்கின்றனர்.
