வேளாண்மை, தோட்டக்கலைத்துறை, வேளாண் பொறியியல் துறையில் இரண்டாண்டு டிப்ளமோ படிப்புக்கான மாணவர் சேர்க்கையில் 497 இடங்கள் காலியாக உள்ளன. இதனால் ஆக. 29 வரை சேர்க்கை தேதி நீட்டிக்கப்பட்டு இணையம் மூலமாகவும், நேரடியாகவும் மாணவர் சேர்க்கை நடத்த ஏற்பாடு செய்யப்பட்டுள்ளது.

பிளஸ் 2 முடித்த மாணவர்கள் இந்த வாய்ப்பை பயன்படுத்திக் கொள்ளலாம். டிப்ளமோ படித்த பின் டி.என்.பி.எஸ்.சி., மூலம் வேளாண் துறையில் உதவி வேளாண் அலுவலர் பணிகளுக்கும், தனியார் துறையில் வேளாண் தொழில்நுட்ப ஆலோசகர் பணிக்கும் செல்லலாம்.

விண்ணப்பத்தை https://tnau.ac.in/ இணையதளத்திலும் ugadmissions@tnau.ac.in லும் பதிவிறக்கம் செய்யலாம். அல்லது 0422 - 661 1200 / 94886 35077 / 94864 25076ல் தொடர்பு கொள்ளலாம் என, கலெக்டர் பிரவீன் குமார் தெரிவித்துள்ளார்.