திருமங்கலம்: திருமங்கலம் தொகுதி கள்ளிக்குடி தாலுகா சென்னம்பட்டி அருகே கோழிக் கழிவில் இருந்து உரம் தயாரிக்கும் நிறுவனம் செயல்பட்டு வந்தது. அந்நிறுவனத்தில் இருந்து துர்நாற்றம் வீசுவதுடன், அப்பகுதியினர் கடும் நோயால் பாதிக்கும் அபாயம் உருவானது. அந்த நிறுவனத்தை அகற்றக்கோரி ஓடைப்பட்டி, பேய்குளம், சென்னம்பட்டி, ஆவல்சூரன்பட்டி கிராமத்தினர் போராட்டங்களில் ஈடுபட்டனர். லோக்சபா தேர்தலில் யாரும் ஓட்டளிக்கவில்லை. இதனால் அந்த ஓட்டுச் சாவடிகளில் ஒரு ஓட்டு கூட பதிவாகவில்லை.