மயிலாடுதுறை மாவட்டம,் குத்தாலம் அருகே தொழுதாலங்குடி சுற்றுவட்டார மக்கள் நேற்று காலை வழக்கம் போல் தேரழுந்தூர் கடைவீதிக்கு டீ குடிக்கவும், பொருட்கள் வாங்கவும் வந்தனர். அவர்களை அங்கு சுற்றித்திரிந்த தெரு நாய்கள் கடித்து குதறின.

இதில் பிடாரி கோவில் வீதி வசந்தா,60; சர்வ மானியம் ராஜலட்சுமி,60; தென்பாதி ரவி,55; அர்ஜுனன்,64; காஸ்ட்ரோ,13; தொழுதாலங்குடி விஜயகுமாரி,56; செல்வம்,65; ஆகிய 7 பேர் காயமடைந்தனர். அவர்களை அப்பகுதி மக்கள் மீட்டு சிகிச்சைக்காக அருகில் உள்ள ஆரம்ப சுகாதார நிலையத்தில் சேர்த்தனர். பின்னர் அனைவரும் குத்தாலம் அரசு மருத்துவமனையில் சேர்க்கப்பட்டனர்.

மேலும் தெரு நாய்கள் 2 ஆடுகள் மற்றும் 1 மாட்டை கடித்து குதறியுள்ளது. இதனால் அப்பகுதி மக்கள் அச்சமடைந்துள்ளனர். தொடர்ந்து நாய்கள் கடித்து பலரும் காயமடைந்த நிலையில் அவற்றை ஊராட்சி நிர்வாகம் பிடித்து அப்புறப்படுத்த வேண்டும் என மக்கள் கோரிக்கை விடுத்துள்ளனர்.