கல்லூரி முதல்வர் ராஜூ தலைமை வகித்து, முகாமை துவக்கி வைத்து பேசினார். மின்னணுவியல் மற்றும் தொலை தொடர்பியல் துறைத்தலைவர் அசோக் வரவேற்றார். இயந்திரவியல் துறைத்தலைவர் வேல்மணிராஜன், பயிற்சியாளர் பரத் சவுக்லேவை அறிமுகம் செய்து வைத்தார். இன்றைய மாணவர்களின் உளவியல் பற்றியும், அவர்களை ஆசிரியர்கள் எவ்வாறு அணுகி, திறமை மிக்க இன்ஜினியர்களாக உருவாக்குவது குறித்தும், ஆசிரியர்-மாணவரிடையே தகவல் பரிமாற்றம் பற்றியும் விரிவாக பயிற்சி அளிக்கப்பட்டது. நிகழ்ச்சியில், துறைத்தலைவர்கள், பேராசிரியர்கள், மாணவ, மாணவியர் உள்பட பலர் பங்கேற்றனர்.